 الإهداءات | |
| ||||||
| سمايل ابتسامات - نكت جديده - مواقف فكاهيه - استهبال - تعليقات - كاركتير - فرفشه - ضحك - وناسه |
|
|
 |
| | LinkBack | أدوات الموضوع | انواع عرض الموضوع |
05-26-2011, 02:56 PM
| #21 (permalink) | |
|
مشرفة قسم سمآيل الآ الكرآمه ي عين آمك 
 |  ممشى الملك عبدالله من بعد ما سويت سواتي فيه صار مافيه الا ناس شوي هههههههههههههه والله يا سويت لكم في الممشى فضيحه بنت تمشي وعباتها ضييييييييييييييييييييييييييييييييييييييقه حيل ومتلثمه وفي واحد وراها من اليوم وهي كل شوي تلتفت عليها واضح من عيونها انها تبتسم له ركت السياره انا بمشي الا الحماره يوم انه قرب منها بيرقمها وقفت واعطته نظره هذاك من قوه النظره طاح جواله سرواله انفسخ ويتراجف وصار فيضان من كثر ما عرق مشت واخذت لفتين وهو في مكانه ما تغير من خووف حقدت عليها انا الحين يا بنت الذينآ من اليوم تتبسمين له واخر شي تخرعينه بعيونك ولعنه < حق عليها وانا في السياره واتكلم اصارخ اقول لها الحين انتي مسوي حوريه الممشى انتي وخشتك وتناظر فيني وانا ارد اقول لا تسوين فيها نظرات انتي حق ممشى .؟ بالله هذا وجه تطلعين فيه وتتمشين انتي المطبخ ويخب عليك < يديور مع الاشاره من الشارع الثاني متجه لـ العليا .. < يصارخ بقوه هيييييييييييه يا ورعه روحي بيتكم بس < سبب فضيحه لها ههههههههههههههههههههـــآآااي:7_smilie (146): امــآا القصه ذي وقوووسم توووحفه فصوول <<تمون  وشسمه تراني طابه في ذاآ كل شوي يعني الله لايهينك كل شوي تظيفني :7_smilie (103): وبعد شي ثاآني عليك تنسيق بالالواآن حراآم انه يجنن كل قصه لووون ههههههههههههه تقبل نطاآنتي :7_smilie (195): :7_smilie (115): | |
  |
|
05-27-2011, 03:14 AM
| #23 (permalink) | |
|
إبــــــــــداع
| شطحات فصول ببـــــــــــآآإكَ : وهـ بسم لله علي يسلمو يسلمو قبل كل شي احب اقول لكم السلام عليكم ورحمه الله وبركاته مساء و صباح الخير لكم جميع يارب .. وان شاء الله تكونون بخير يارب ودوم يارب ولا يغير عليكم اسف امس ما نزلت اشياء في المنتدى يمكن موضوع او موضوعين فقط او بالاصح ردود الي هي في راديو وجع امس طلعنا لـ دوامي انا واخوي الصغير ومعانا خويه خلصنا الشغل رحنآ الشقه اخذ ولد خالي سليمان < ياشر عليه تشوفونه الي عضويته سليمان الئحتاني طبعن اغرب صله قرابه مرت في حياتي انا لحضووو في حياتي انا ما الومكم انتم فيصل الدوسري ولد خاله سليمان القحطاني . هههههههه لو ابي اشرح لكم كيف صار يقرب لي بتستغربون بس في شي حلو فيه هو ماهو مهايطي قحطاني مطور هذا بعرووق ودم خفه دواسر < بسم لله علينا تف تف تف تف تف تف تف تف لا يجينآ شي .. هذا سلوم رايح الجامعه على الساعه كذا 2 الظهر اتصل علي واحد الو انا في وضع مبسوط مخلص دوامي بدري المهم معاك محمد الفلاني هلا بك سم ابوي فيصل وينك والله في السطح < يعني وين في الشقه فيصل تقدر تجي الجامعه ليش !! ابد والله بس سليمان مسوي حادث صغير اها حلو والله طيب وينه لا لا بخير هو بس تعال الجامعه بوابه 6 طيب وين الولد بخير وين الولد بخير < معاند ركبت السياره على الجو توه يمطر الظهر ومقلع بالسياره معاي اخوي وخويه قلت لهم اتصلو عليه اتصل عليه خوي اخوي قال له وين سلوم قال له طيب اسمع الاخ يقول سلوم كيفك وش صار شوي اشوفه يقول وين سلوم هذاك مسوي ذكي مسوي كنه سلوم بس الصوت يختلف المهم وصلنا الا الاخ لاصق في عامود وفي سياره اسعاف نزلت بسرعه انا طبعن لـ المعلوميه انا عمري 25 سنه و سلوم عمره 20 سنه هذا سليمان مثل ولدي < وش عندي ههههههههههههههه المهم يعني بالعربي اني اعرف سلوم اي شي يصير اعرفه يوم جيت ابي اركب السياره هم في سيارت سلوم المسعف في سيارت سلوم انا فتحت الباب الي ورا وركبت على انه جالس يقول لي خير وش تبي ومن الكلام هذا ركبت قلت له سلوم وشبوك بوك شي في شي توحس بوشي المسعف يقول لي لا تحركه انتبه ومدري وشو قلت لـ اخوي بالله جيب مويه اول ما جاب لي المويه وانا الي ارشه بالمويه واسطره الين ما صحى < احلى انقاذ صار في حادث السياره معدومه سلوم يده اليسرى فيها رضوض والفخذ الايسر فيه رضوض وديناه المشفى ورجعنا على الشقه متاخر في الليل سبب الحادث السبب : هو طاح جواله عند الجلنط مد يده اخذ الجوال على سحبت يده بسرعه ويتعلق الجلنط في كبك الثوب ويسحب الجلنط وتلف فيه السياره على العامود . < سبب مقنع واحنا رايحين الشقه واحنا رايحين لـ سلوم واحنا رايحين المشفى تعلمت اشياء ابي اعلمها لكم عشان تعيشون في عالم اهل السعوديه .. لاحظت اشياء نسويها بحياتنا فحبيت أن أوضح لكم الخطاء و أحاول أن أصلحه لكم بسلوك تربوي ..{ بسم الله نبداء }.. الخطاء : عندما يصطدم بك أحد وأنت تمشي ثم تسقط كتبك ثم تأخذها وتمشي وكل منكما يتأسف للآخر الصحيح : انك تمسكه مع ثوبه وتصكه بالجدار و ترفسه مع بطنه وحبذا تنهيها بركبة وإلا كوع وبعدين تقوله شيل الكتب ومرة ثانية فتح عيونك يالــوح الخطاء : تفتح الإشارة و يزمّر (طااااط) لك اللي وراك ثم تطالع في المراية وتلقاه يهاوش ومعصب وتلوح بيدك تتأسف الصحيح : انك تنزل له بمفتاح العجل أو عجراء وتطق الدريشة عليه و أول مايفتحها جرره مع شعره و اجلده الين يذكر الله وبعدين قول له مرة ثانية تصير الاشارة خضراء تصير حمراء تصير زرقاء تاكل تبن وتسكت الخطاء : تدخل المحاضرة متأخر يقولك الدكتور اطلع برا يامهمل ياللي فيك و مافيك ويصك الباب بوجهك ثم تروح حزين الصحيح : انك تنتظره بسيارتك و أول مايحرك لبيتهم حدددددددددددددددددددده على ماصورة والا جدار والا حاول تخليه يصدم سيارة وبعدين طلع راسك مع الدريشة و اضحك عليه بقوه الخطاء : جالسين أنت ومجموعة من الشباب وعندكم بباسي وطلعت تبي تغسل فيقوم صديقك ويرج العلبه ثم تجي تبي تفتحهآ ثم يطيش بوجهك ويضحكون عليك وتقول هههههه الله يرجك والله لارد لك المقلب الصحيح : انك يا حبيبي تمسكه مع رجليه وتصبخه بالارض صبخ وتجيب كرتون ببسي وترجه رجا مبرحا ثم تفتح الكرتون كله بوجهه وبعدين تقوله لاصرت أخوك الصغير والا تمون علي نكت معي هالتنكيت وهالمرة بسمح لك عشان خاطر الموجودين والا تدري اعفس العلبه وحطّه بمخباته وقله لاتطلعه من مخباتك الا اذا رحنا الخطاء : وانت تحلق عند حلاق ومتحمس تعلمه سو كذا وسو كذا وهو يقولك أنا في معلوم أنت بس مافي حركه كثير وتتركه وتلقاه حالق نص شنبك والسكسوكه مايله ثم تهوشه ويقول لك انتا في شوف مرايا مافي كويس بس نفر يشوف في كويس وتحاسب وتطلع وتقول بنفسك والله توبه أحلق الصحيح : يا حبيبي تاخذ الموس وتخربط براسه وشنبه ولحيته وإن حصل تحلق راسه عكس مب شينه وتشيل له الحاجب نص نص واذا صدره مشعر لا اوصيك فيه ترا المكينه تشكي اي حبيبي ولاتحاسبه ولو جلدته انا هنا اهنيك بس على حسب الموجودين لو ماعنده أحد أجلده جلد وبعدين قل بينك وبين نفسك والله توبه أحلق عنده الخطاء : تمشي بالحارة مثلا رايح للمسجد ثم يجي بزر من هالبزارين ويفلقك بحصاة ثم تلعن الشيطان وتعوذ من إبليس وتكمل دربك تقول بزر ماعليه شرهه الصحيح : لا يا حبيبي اذا ما اخذت لك بلكّه وترميها عليه إن ضربته البلكه فهو خير ونعمة وإن ماضربته البلكه خذلك يا شنب عصا وامسكه واجلده إن صاح خير ونعمة وإن ماصاح فاتركه ورح صل وخلص التزاماتك ثم ارجع له وتفرغ له أكيد مو متحمل لمين وقت الصلاة الثانية وعلى مسؤوليتي بيصيح الخطاء : راكب في سيارتك مستعجل وكل اشارة توقف عندها حتى الاشارات اللي مافيها أحد توقف عندها الصحيح : حتى لو انت مو مستعجل اقطع الاشارة ترا حطوها للي مايعرفون يسوقون وماهم ملزومين وبعدين لو تفكر بتشوف نفسك غبي موقف عند نور لونه احمر خير .؟ لا توقف اشاره الوالد ما عليك الخطاء : متابع فيلم ومتحمس ثم يجي واحد من أخوياك ويغيّر القناة بدون مايشاورك ثم تقوله ليش ياخي ماتشوفني متابع .. ؟؟ الصحيح : صكه بالمركأ ولحقه ببياله والا طفاية وخذ منه الريموت بدون ماتكلمه وحط فيلمك وتابعه بصدر رحب صدقوني امشو على كلامي واذا ما عشتو احلى حياه وبكل هيبه قويه وانت في اي مكان ما اكون فيصل المجنون ههههههههههههه يع يع يع اعطيت اخوي يطلع السياره من حفره تحت اسلاك كهرباء وتعرفون طين ولصقت السياره في الحفره 16 واحد يدفون السياره عشان يطلعونها من الطين ترا الدش ما يشتغل عندنا السطح ملينا مويه الله ينعن ابليس المقاول مصمم السطح من غير ما يسوي فتحات للمويه لو افتح باب السطح المويه بتنزل مع الدرج كثييره < ما يعرف يكذب طيب اقدر اشوف كلمه واااااااو في الردود منكم يالغالين امممم .؟ نشوف بعد قصتي لكم هذا واحد من الشباب الله معطيه جمال مب طبيعي بس يخسي يكون احلى مني المهم عندهم شغالة مراهقة ويوم من الايام حبته شغالتهم صارت تخدمه بيدينها و برجلينها والولد هذا لاحظ معاملة الشغالة له وكنها تبي منه شي المهم يوم من الايام الولد صار مريض ودوه اهله للمستشفى فحوصات وكذا وقالوا لازم يترقد لما سمعت الشغالة ان الولد ترقد بالمستشفى انجنت وجالها انهيار عصبي وكل يوم تقول لـ اهل الولد ابي اروح معكم الزيارة وكل يوم يصرفونها و المشكلة الاهل مايدرون ان الشغالة تحب ولدهم المهم الشغالة هذه جازفت بحياتها في سبيل انها تشوف حبيبها الولد ولبست الشغالة عباتها .. !! بعد تلبس عباية .. ؟؟ لالا مالبست عباتها هههههههه وطلعت بالشارع العام وخذت لموزين وراحت المستشفى وصلت الشغالة للمستشفى وافترت بالمستشفى الين ماافتر راسها ومن طابق لطابق تفتر على الغرف كلها الا شوي شافت الولد وهو نايم بغرفته المهم الشغاله لما حست انها ماتقدر تشوفه بعد كذا قررت انها تذبح الولد وتنتحر بعد كذا وش سوت الشغاله الهبله راحت اقرب محطة بنزين وعبت جركل بنزين ورجعت للمستشفى الا الولد للحين نايم المهم الشغالة فكت المغذي وحطت البنزين بدال مكان المغذي .. !! وفي اللحظة هذي قام الولد فجأة يناظر و يبحلق عيونه بالشغالة الا وشم ريحة بنزين وشاف الشغالة قد قضت من تبديل البنزين بالمغذي الولد لحظتها قام يصارخ على الشغالـة و الشغالـة حطت رجلها وهربت .. !! الا الولد فز وقام يركض وراها و يلاحقها فيلم بوليسي مو قصة حب المهم الا وفجأة الولد مادري وش صارله و وقف بمكانه وماقدر يلحق الشغالة بس ليش وقف ؟ خلص البنزين ههههههههههههههههههههه < يا سمجي برا برا هاهاهاهاهاهااااااي بالله انتم متعشين انا ماتعشيت بررربآآ راجع لكم عن قريب دمتم لا تحرموني من ردودكم لا وربي اشربكم بنزين اوقفكم اذا ما رديتو | |
| |
|
05-27-2011, 05:03 AM
| #25 (permalink) | |
|
نـــــجــم مــتألــق
| هههههههههههههههههههههههههههههههأإأإأإي مئدرش مئدرش ي فسسول :7_smilie (146): الصحيح : حتى لو انت مو مستعجل اقطع الاشارة ترا حطوها للي مايعرفون يسوقون وماهم ملزومين وبعدين لو تفكر بتشوف نفسك غبي موقف عند نور لونه احمر خير .؟ لا توقف اشاره الوالد ما عليك هههههههههههههههههههههههههههههههههأإأإأي وربي ختيييييييييييييييييرا :7_smilie (165)::7_smilie (165)::7_smilie (165): اووما بوقف عند اشاره حمرا :7_smilie (167)::7_smilie (167)::7_smilie (167): هههههههههههههههههههههههههههههههههههههأإأإأي وربي انك توووحفه :7_smilie (201)::7_smilie (201): والحمدالله ع سلامةة سلوم ومايشوف شر وربي يحفظه ان شاء الله :7_smilie (47): واهم شي لاااااااااااتوقف ي فسسسول :7_smilie (165)::7_smilie (165)::7_smilie (165): | |
| |
|
05-27-2011, 07:57 PM
| #27 (permalink) | |
|
إبــــــــــداع
| ببــــآآك .. توني صاحي من النوم وش ذا برررررررد وربي :7_smilie (80): السلام عليكم :7_smilie (194): يع يع وربي راسي مصدع اخر و اقوى شي :7_smilie (137): المهم اخوي متصل علينا يقول لنا جيبو ببسي والاشياء هذي جايب لنا غداء مدري وش الي جايبه وربي له يمكن من طلع عشان يجيب غداء ساعه ونص يمكن او اكثر المهم تبون شي سلف ببسي اكل ملابس اي شي ترا نعين ونعاون لا تستحون بس اطلبو الي تبنه وابشرو . بررب اتغدى وراجع لكم دقايق في سالفه بقولها لكم :7_smilie (47): | |
| |
|
05-28-2011, 12:51 AM
| #29 (permalink) | |
|
بــــدايـــة وجــــع
| ههههههه سؤال بس فصول وش مركب بدال مخك ههههههههه وربي عبيط اول مره اكتشف هالشغله فيك وفي الشــأت مسوي انا الثقيل وحركــأت نص كم وهنــا خبل << ماتدري ليش تحس انهــأ بتتكفخ ههههه المهم وـأصل هالحركـأت ضحكـنـأ بعد ي باشا وجع يالمديــر العـأم مايخـألف تحط عند كل كلمه ترجمـه لهـأ ^^ خبرك ترى مش الكــل يفهم كلأم فصـول بـأشـأ ويعطيكــم العـأفيه =) | |
| |
|
05-30-2011, 07:55 PM
| #30 (permalink) | |
|
إبــــــــــداع
| بــــ.{ لعيـــــوٍوٍنكمَ }.ـــآإك * السسسلام عليكم ورحمممممه الله وبركاته * يع يع اشوف اخر رد لي في الموضوع هذا وانا اتغدى حسيت اني للحين من ذاك اليوم وانا اتغدى شخباركم ان شاء الله مرتاحين .. ؟ دوم يارب ولا يغير عليكم ان كنتم بخير ابي اقول لكم شي يعني صدق الواحد اذا حب الشي يموت فيه و يتعلق فيه بس انه يطفش من الشي هذا اذا صار الناس نفسها في الشي الي معاه ، معاي جوال جالكسي اس كل ما شافني ذا الي في الدوام يقول ابي جوالك و بيعه لي و مدري وشو و ناشب لي في الجوال و الله لو انه مكينه صراف ماهو بـ جوال المشكله قيمته ما تتعدى الـ 1900 ريال و رخيص قبل يومين بكلامه معاي حسيت انه صك ابوووووي بعين المهم وانا راح للشقه في الليل و معاي واحد من العيال شفنآ عرس لـ الدواسر و قفنآ و نزلنا نصور و مبسوطين شوفو صورنا مقطعين بعد ما رحنا الشقه نبي نوري العيال الي صورناه مافي صوت .. ؟ أقلّب في الجوال يمين يسار ، ماقد جوالي طاح ابد فجئه كذا مافيه صوت قلت يمكن في البرمجه او اي شي فرمت اوم الجوال نزلت له برامج على السريع و زبطت اومه مافي صوت < يقول و الله العين قويه و هذا المقطع الي صورناه اي ابي اقول لكم شريت سياره و كل ما جينآ نطلع انا و زوجتي انتهاوش على الي يسوق السياره و كل شوي انتهاوش عاد جاء يوم فكرت اسوي فيها مقالب عشان تتاخر اذا بغت تطلع و تسوق و اسوق انا بس تفاجئت هي مسويه لي مقالب وهذا المقطع الي بتشوفونه هو الي صار بيني و بينها .. !! عاد ما انسى اقول لكم هذا الي ناشب لي في الجوال كل شوي و جايني ابي جوالك و مدري وشو عاد امس جايب لي جواله جالكسي تاب قلت له تعال عندي ابي اعطيك برامج و نزلت له برامج اكثر من 100 برنامج وصكيت ابوه في عين و نزلت مع البرامج فايروسات المهم اليوم جيت الدوام هههههههههههههههههههههههههههههه مسكين وربي يشتكيلي و انا الي صاكه بعين الله الله يوم قال لي الخبر وربي انبسطت حيل هههههههههههههههههههههه قال لي و انا جالس انظف حوض السمك و جايب الجوال انور في الكشاف حقه ابي اشوف و امسك سفينه < مجسم و يطلعه من المويه و الجهاز على جنب يبي يناظر ما يشوف و يلتفت على التلفزيون و لا يدري الا و يسمع صوت غريب رجع يناظر الا السفينه تقطر مويه على الجهاز رمى كل شي و مسك الجهاز و رفعه على فوق يبي ينزل المويه الي فيه ، الا الشاشه لونها غريب هههههههه وداه للصيانه قالو له نصلحه لك بـ 700 ريال راح وباعه بـ 1400 ريال < احس باعه بـ 700 ريال وتصليحه بـ 1400 ريال بس ما يبي يزودها على نفسسه عندي . بروح اودي جهازي للضمان واشوف سيارتي الي لها شهر في الورشه والله لو انهم يصنعون جديده انتهت بس مو الحين الساعه 4 العصر بروح . عندي لكم حركه حلوه تستفيدون منها انا كنت اشتغل في مصنع لصناعه الادوات الاليه مثل الاشعه و غيرها عرفت كيف يشوفون العضم و الاشياء هذي و جربتها في البيت و ستفدت شي حلو و الله اول شي تجيبون كاس مويه بااارد يكون مرا و تحط فيه اصبعك لمده خمس دقايق لا تزيد و لا تنقص يعني معاك جوال او ساعه و احسب لك خمس دقايق بس و بعدها طلع اصبعك من المويه بس يكون راس الاصبع على تحت اذا معاك جوال كشاف ولع النور على اصبعك او اي نور قوي يكون راح تشوف عظم اصبعك . وارجو من يعمل الحركه هذي ينزل لنا رد بالي يشوفه .. ما عليش اليوم سواليفي قليله بس ابي اشوف سيارتي . اي ابي اسئلكم الحين الواحد اذا صار حلو بيصير مثلي يعني .؟ سوري سوري < اقولها لـ اخوي الصغير جينآ نبي نسوي مصاصين الدماء تحمسنآ من فيلم و نستهبل في الشقه و اعض اخوي شوي اعض سلوم و مع الحماس و ارجع على اخوي و عضيته و انقلب خفاش .. !! بررب اشوف رقبته قبل لا يتحول الى مصاص دمآء < اخووه يقول له الله يلعن اوم مزحك .. بس ترا يقوها بلهجه الخفافيش بس انا ترجمتها لكم ههههههههههههههه يلعن اوم الوناسه شحنت جوالي بعشره سوا اناظر 50 اعيد و اسوي *166# الا و الله 50 ريال يا ولد يمين يسار خمسين ريال ونااسات طايبات . يلا يلا بتغدى الحين بررب :7_smilie (177)::7_smilie (177)::7_smilie (177)::7_smilie (177)::7_smilie (177): :7_smilie (177)::7_smilie (177)::7_smilie (177)::7_smilie (177): :7_smilie (177)::7_smilie (177)::7_smilie (177): :7_smilie (177)::7_smilie (177): :7_smilie (177): | |
| |
|
| الكلمات الدليلية |
| سوالف, سوالف شطحات ضحك وناسه وناسة هبال محششين, شطحات, وجع |
| أدوات الموضوع | |
| انواع عرض الموضوع | |
|
|
التعليقات المنشورة لا تعبر عن رأي منتديات وجع ولا نتحمل أي مسؤولية قانونية حيال ذلك( ويتحمل كاتبها مسؤولية النشر )
روابط تهمك
روابط تهمك
روابط تهمك
العرض العادي
